अगामी चुुनावमे अवसरवादी गठबन्धन परास्त हुइः प्रदीप ज्ञवाली
पहुरा समाचारदाता
धनगढी, १६ फागुन । पूर्वपरराष्ट्र मन्त्री तथा नेकपा एमालेके उपमहासचिव प्रदीप ज्ञवाली अमेरिकी सहयोग परियोजना एमसीसीसे प्रचण्ड ओ माधव नेपालके अवसरवाद उदाङ्गो पारल बटैले बाटै ।
प्रेस चौतारी नेपाल, कैलालीसे सोम्मारके धनगढीमे आयोजना करल पत्रकार सम्मेलनमे बोल्टी उपमहासचिव ज्ञवाली प्रचण्ड ओ नेपाल सत्ताके लाग जौनसुके हदसम जैना तयार रहल एमसीसीसे पुष्टि करल बटैलै ।
‘उहाँहुक्रे (प्रचण्ड ओ नेपाल) एमसीसी ठीक बा ओहेमारे स्वीकार करली कहे नैसेक्ही । कांग्रेस एमालेसँग मिलके सभामुुख हटैना ओ एमालेसे कारबाही करल १४ सांसदहे पदच्युुत कैना हुइल ओरसे समर्थन करल कहीही’ ज्ञवाली कहलै, ‘डुनु नेताके कारण आज एमसीसीमे अमेरिका ओ चीन आमनेसामने हुइना अवस्था फेन सिर्जना हुइल । इ हमार लाग दुुर्भाग्यपूर्ण बा ।’
उहाँ नेताहुक्रे आम नागरिकमे रहल देशप्रतिके भावनाके समेत अवमूल्यन करल बटैलै ।
अब्बेक सरकारसे बाहृय शक्तिमे समेत बरवार असन्तुुलन लानल बटैटी एमालेसे अगामी चुुनावसे अवसरवादी गठबन्धनहे परास्त कैके सक्कु हिसाबकिताब चुुक्ता कैना दाबी समेत ज्ञवाली करले बाटै ।
एमालेके दबाबके कारण सरकार स्थानीय तहके चुुनावके मिति घोषणा कैना बाध्य रहल उल्लेख कैटी उहाँ सक्कु जनहनहे चुुनावमे तयारी कैना आहृवान फेन करले बाटै ।
पत्रकारहुक्रे एमालेके अवरोधके बीच फेन सांसद भीम रावल एमसीसीके छलफलमे भाग लेहल विषयमे पार्टी का करी ? कहिके राखल जिज्ञाशामे उहाँ पार्टीके निर्णय ओ नीति विपरीत करल कामके गम्भीर समीक्षा कैके आवश्यक निर्णय लेना बटैलै ।
एमालेसे आयोजना करल स्थानीय तह निर्वाचन केन्द्रित सुदूरपश्चिम प्रदेशस्तरीय प्रशिक्षण तथा अभिमुुखीकरण कार्यक्रममे सहभागी हुइ धनगढी आइल रहिट ।
