मुख्यमन्त्री कप राष्ट्रिय भलिबल प्रतियोगिता हुइना

पहुरा समाचारदाता
धनगढी, १६ फागुन । धनगढीमे मुख्यमन्त्री कप राष्ट्रिय पुरुष भलिबल प्रतियोगिता हुइना हुइल बा । सुदूरपश्चिम प्रदेश खेलकुद परिषद्के आयोजनामे चैत ७ से १२ गतेसम भलिबल प्रतियोगिता आयोजना हुइना हुइल हो ।

प्रतियोगितामे सातठो प्रदेश ओ तीनठो विभागीय सहित १० टोलीके सहभागिता रहना परिषद्के सदस्य सचिव दिपकबहादुर सिंह जानकारी डेलै ।

प्रतियोगिताके विजेता नगद चार लाख, उपविजेता दुई लाख, टिसरा ओ चौठा स्थान प्राप्त करुइया टिमसे क्रमशः एक लाख, ५० हजार रुपैयाँसहित ट्रफी प्राप्त कैना पत्रकार सम्मेलन कैके जनाइल बा ।