शिवपुरी धाम परिसर सरसफाइ

पहुरा समाचारदाता
धनगढी, १९ फागुन । प्रदेश युवा परिषद सुदूरपश्चिमसे ‘स्वच्छ प्रदेश स्वस्थ युवा, स्वस्थ युवा सम्बृद्ध प्रदेश’ कना नारा सहित समाजके लाग एक दिन कहटी धनगढीके शिवपुरीधाम क्षेत्रमे सरसफाई करल बा ।

महाशिवरात्री पर्वमे लागल मेलाके कारण धाम क्षेत्र फोहोर हुइल रहे । उ फोहोर सफा कैके शिवपुरी धाम क्षेत्रहे सफा सुन्दर बनैना ओ युवामे समाजसेवाके भावना जागृत कैना उद्देश्यसे कार्यक्रम आयोजना करल परिषदके कार्यकारी उपाध्यक्ष युवराज कुँवर बटैलै ।

परिषदके बार्षिक कार्यक्रम अन्तरगत युवामे सकारात्मक सोचके विकास कैना ओ टमान सामाजिक कार्यमे युवाहुक्रनके सहभागिताहे बढावा डेना कार्यक्रमसे सन्देश डेना सहभागीहुक्रे बटैले बाटै ।

सरसफाई कार्यक्रममे ७ नम्बर रुद्र ध्वज गुल्म धनगढीसे नेपाली सेना ओ नेपाल प्रहरी लगायतके टमान युवानके सहभागिता रहल रहे ।