गोहुँबाली उन्नत खेती प्रविधि सम्बन्धी तालिम
पहुरा समाचारदाता
मसुरिया, २० फागन । प्रधानमन्त्री कृषि आधुनिकीकरण परियोजना अन्तर्गत गोहँुवाली उन्नत खेती प्रविधि सम्बन्धी दुई दिने जिल्ला स्तरिय कृषक तालिम हुइल बा ।
प्रधानमन्त्री कृषि आधुनिकीकरण परियोजना परियोजना कार्यान्वयन एकाई धनगढीके आयोजनामे तालिम हुइल रहे ।
उद्घाटन कार्यक्रम जिल्ला समन्वय समिति कैलालीके सभापति सूर्यबहादुर थापाके अध्यक्षतामे हुइल रहे । कार्यक्रममे तथा कृषि ज्ञान केन्द्र कैलालीके प्रमुख खगेन्द्र प्रसाद शर्मा, वरिष्ठ कृषि अधिकृत कलशराम चौधरी लगायत मन्तव्य व्यक्त करले रहिट ।
तालिममे दीपकराज ओझा, लक्ष्मीकान्त ढाकाल, गोहुँ बरिष्ठ बैज्ञानिक मनोजराज भट्ट, भुमि व्यवस्था तथा कृषि सहकारी मन्त्रालयके कृषि अधिकृत टिकिन्द्र कुश्मी, बाली विज्ञ विनोद राना, सहजीकरण करल रहिट ।
कैलारी गा.पा., गौरीगंगा न.पा. ओ घोडाघोडी न.पा.से करके कुल ४१ जाने (महिला १७ ओ पुरुष २४) के सहभागिता रहल तालिम दुई समूहमे
डेहल रहे ।
उहेविच तालिमके सहभागीहुकनहे शंकरपुरके कस्टम हयारिङ सेन्टर, पहलमानपुर भुम्निभाकलमे सञ्चालित जातीय प्रदर्शन ओ बीउ श्रोत केन्द्र, जोशीपुरमे प्रजनन बिउमे सञ्चालित कृषक पाठशाला ओ बिजबृद्धि कृषक सहकारी संस्था मुनुवाके कस्टम हयारिङ सेन्टर, गोहुँ बिजवृद्धि कार्यक्रम अध्ययन अवलोकन करल रहे ।
तालिम समापनमे वडका पहुना रहल कृषि ज्ञान केन्द्र कैलालीके प्रमुख खगेन्द्र प्रसाद शर्मा ओ वरिष्ठ कृषि अधिकृत कलशराम चौधरी संयुक्त रूपमे तालिमके सहभागीहुकन प्रमाणपत्र बितरण करल रहिट ।
