भचकही गाउँमे नागारिक कार्यवाही कार्यक्रम

पहुरा समाचारदाता
श्रावस्ती भारत, २४ फागुन । युपी भारतके श्रावस्तीके भचकाही गाउँमे नागरिक कार्यवाही कार्यक्रम हुइल बा ।

६२वी वाहिनी सशस्त्र सीमा बल, भिनगा जनपद (भारत्के सशस्त्र पहरीसे) श्रावस्तीके आयोजनामे इ कार्यक्रम हुइल हो । कार्यक्रममे श्रावस्ती जिल्ला सीमा क्षेत्रके गाउँक् किसाननहे खेटीपाटी करक लाग किटनाशक डवाइ छिट्ना टंकी, कोडरा लगायत टमान मेरके कृषि औजार डेगैल बा ।

सीमा क्षेत्रके भचकाही गाउँ लगायत टमान बस्ती थारु बाहुल्य रहल गाउँ बा । यहाँक किसान जेडासे खेटीपाटीमे मजा उबजनी कर्ठैं । आउर गाउँसे यहाँक युबा धेर सरकारी जागिर ओर छिरल प्रधान ईस्वर दीन चौधरी बटैलैं । भारतमे सशस्त्र बलसे हरेक साल बिद्यार्थीहे खेलकुदके सामान, कम्प्युटर लगायत सामान डेटी आइल बटैं । कार्यक्रममे सक्कु किसानन सुभकामना डेटी शिक्षक प्रताप नारायण कहलैँं( यहाँक् डाडा भैया किसान लोग बहुट मेहनटी बटैं ओहेसे अइना डिनमे आउर प्रगती कर्टी जाइँट् ।

कार्यक्रममे सशस्त्र बलके टमान पदाधिकारी, जन प्रतिनिधि स्थानीय बासी, बुद्धिजीवी, विद्यार्थी लगायतके सहभागी हुइल रहे ।