साल्टट्रेडिङसे मुक्त कमैयाके विद्यार्थीहे झोला वितरण

पहुरा समाचारदाता
जोशीपुर, २६ फागुन । कैलालीके जोशीपुर गाउँपालिका ३ रामनगर शिविरमे अवस्थीत मुक्तकमैया प्रा.वि.के विद्यार्थीहुकनहे झोला वितरण करल बा ।

साल्टट्रेडिङ कार्पोरेशन लिमिटेडसे मुक्तकमैयाहुकनके लर्का पह्रना यी विद्यालयके १ सय ८२ विद्यार्थीहुकनहे झोला वितरण करल हो । शिक्षा जीवनके आधार हो कहटी साल्टट्रेडिङ कार्पोरेशन लि. सुदुरपश्चिम प्रदेश प्रमुख केशव प्रसाद पाण्डे विद्यार्थीहुकनहे झोला वितरण करल बटैलै ।

विद्यालय व्यवस्थापन समितिके अध्यक्ष धनिराम चौधरीके अध्यक्षतामे हुइल शिक्षक, विद्यार्थी, अविभावक, वडा नं. ३ के वडा सदस्य वेझुराम चौधरी लगायतके उपस्थितिमे झोला वितरण करल रहे । मुक्तकमैया प्रा.वि.के प्र.अ. श्याम देव कुश्मी सहयोगी हातहुकनहे स्वागत तथा धन्यवाद ज्ञपान करले रहिट ।