धनगढी लेडी जेसिससे बाल गृहहे खाद्यन्न वितरण
पहुरा समाचारदाता
धनगढी, २७ फागुन । धनगढी लेडी जेसिससे न्यू लाइफ मिसन नेपाल बालगृहहे खाद्यन्न वितरण करले बा ।
धनगढी उपमहानगरपालिका–२ मिलनचोकमे रहल उ बाल गृहहे धनगढी लेडी जेसिससे टमान व्यक्तित्व सहयोग करल खाद्यन्न हस्तान्तरण करल हो । मानव सेवा जीवनके सर्वोत्तम कार्य हो कना नाराके साथ धनगढी लेडी जेसिससे न्यू लाइफ मिसन नेपाल बालगृहहे खाद्यन्न वितरण करल अध्यक्ष जेसी सरस्वती खडका भट्ट बटैलै ।
उ खाद्यन्न सामाग्री धनगढी उपमहानगरपालिकाके नगर प्रमुख नृपबहादुर वड न्यू लाइफ मिसन नेपाल बालगृहके अध्यक्ष मनोज आचार्यहे हस्तान्तरण करले रहिट । बाल गृहहे हरिशंकर ठाकुर ४ कट्टा चामल, रविन्द्र गुप्ता १० लिटर तेल, संजय अर्याल ५ लिटर तेल, अमित भुजनिया २५ केजी चामल, ५० केजी आलु, २० केजी प्याज, १० लिटर तेल सहयोग करले रहिट ।
धर्म पडाल ५ लिटर तेल, डा. मिनराज अलाम अन्सारी २५ केजी मसुरके दाल, तराई टे«डर्स २५ केजी चामल, ५ केजी सोयाविन, बबलु गुप्ता अत्तरिया २५ केजी चामल, भुवन भट्ट १० केजी नुन, ५ केजी अरहर दाल, १० प्याकेट भुजा, २४ पिस लहैना साबुन, २४ पिस पेष्ट, ५ केजी चिनी सहयोग करले रहिट । ओस्टेक करके सुरज गिरी २ पेटी चाउचाउ, राहुल गुप्ता ३ कट्टा चामल, पुष्प कुवर २ पेटी चाउचाउ सहयोग करले रहिट । ओस्टेक धनगढी लेडी जेसिसफे कपी, पेन, पेन्सिल कटर, विस्कीट २/२ दर्जन, ३ क्यारेट अण्डा, १५ केजी पिठा, राजमा, चना, मटर ३/३ किलो, नुन १० किलो सहयोग अध्यक्ष जेसी सरस्वती खडका भट्ट बटैलै ।
२०६५ भदौ ११ गते स्थापना हुइल न्यू लाइफ मिसन नेपाल बाल गृहमे अब्बे १४ बालिका ३ जाने बालक करके १७ बालबालिका रहल बटै ।
कार्यक्रममे सामाजिक अभियन्ता धर्मराज ओझा, सुरज गिरी, धनगढी लेडी जेसिसके कार्यक्रम संयोजक जेसि मन्जु चन्द वम, कार्यकारिणी उपाध्यक्ष जेसी सुशिला निरौला, महासचिव, उपाध्यक्ष लगायत धनगढी लेडी जेसिस पदाधिकारीहुकनके उपस्थिति रहल रहे ।
