राजनीतिक वेथिति बह्रेबेर मानव अधिकार रक्षक जोखिममे
पहुरा समाचारदाता
धनगढी, २८ फागुन । मानव अधिकार सहायता कक्षाके संचालन ओ सुद्धिढीकरण विषयक छलफल कार्यक्रम हुइल बा ।
इन्सेक सुदूरपश्चिम प्रदेशके आयोजनामे हुइल छलफल कार्यक्रममे प्रदेश संयोजक खडकराज जोशी सहजीकरण करल रहिट । राजनीतिक बेथिति बह्रेबेर मानव अधिकार रक्षकहुक्रे जोखिममे परल बटैलै ।
उहे विच मानवअधिकार रक्षकहुकनके मुद्दा, द्वन्द्वपीडितहुकन सहयोग, अइना चुनावमे मानव अधिकार रक्षकहुकन जोखिमबारे छलफल हुइल रहे । मानव अधिकार सहायता कक्षाके गैल बरष २६ जनहनहे सहयोग करल रहे ।
कार्यक्रममे पत्रकार महासंघ प्रदेश अध्यक्ष योगेश रावल, पूर्व अध्यक्ष अर्जुन शाह, एनजिओ फेडरेशन प्रदेश अध्यक्ष देवीप्रसाद खनाल, बार कैलालीके अध्यक्ष सिद्धराज ओझा, मानवअधिकार रक्षक संजाल कैलालीके संयोजक वेद अवस्थी, इन्सेक सदस्य चित्र पनेरु, ओरेक जिल्ला संयोजक विनु राना लगायत छलफल कार्यक्रममे सहभागी रहिट ।
