ढुरहेरीमे जबरजस्ती रङ घसुइयाहे कारबाही करब

पहुरा समाचारदाता
धनगढी, २ चैत । ढुरहेरीमे जबरजस्ती रङ घसुइया ओ लोला मर्ना जैसिन क्रियाकलाप नैकैना कैलाली प्रहरी आग्रह करले बा ।

टिहुवारमे रमाईलो तथा मनोरञ्जनके नाउँमे हुइ सेक्ना उच्छृंखल तथा अपराधिक गतिविधि हुइ वा करे नैडेना सक्कुजाने सुरक्षाके उपायमे ध्यान डेना आग्रह करल हो ।

टिहुवारहे मर्यादित रूपमे मनाइ पर्ना कहटी इच्छाविपरीतके कार्य हुइलेसे प्रहरी कानुनी रूपमे प्रस्तुत हुइना समेत प्रहरी चेतावनी डेले बा ।

कोरोनाके जोखिम यथावत रहल ओरसे स्वास्थ्य सुरक्षाके मापदण्ड पूर्ण रुपमे पालना कैना फेन प्रहरी अनुरोध करले बा । इ बरसके ढुरहेरी टिहुवार पहाडी ओ हिमाली क्षेत्रमे बिफेक रोज ओ तराईमे शुकके परल बा ।