माओवादीमे जिल्ला ओ पालिकाके पदाधिकारी चयन

पहुरा समाचारदाता
धनगढी, ६ चैत । नेकपा माओवादी केन्द्रसे सुदूरपश्चिमके नौ जिल्ला समन्वय समिति, तल्ला तह कमिटी तथा जनवर्गीय संगठनके पदाधिकारीके टुङगो लगैले बा ।

माओवादीके सुदूरपश्चिम प्रदेश कमिटीके पदाधिकारीके बैठकसे जिल्ला सहइन्चार्ज, जिल्ला संयोजक, सचिव, प्रदेश ओ संघीय निर्वाचन क्षेत्र तथा पालिकाके इन्चार्ज, सहइन्चार्ज, विभागीय प्रमुख, फ्याक्सन इन्चार्जलगायत पदाधिकारीके टुङगो लगाइल हो ।

बैठकसे माओवादी कैलाली जिल्ला समन्वय समितिके संयोजकमे लाजुराम चौधरी, डोटीके संयोजकमे कमल गड्सीला, अछाममे रबिन्द्र साउँद, बाजुरामे दिपक बुढा ओ बझाङमे टोपबहादुर खड्काहे चयन करले बा ।

ओस्टेक डडेल्धुरामे उमेशप्रसाद भट्ट, कञ्चनपुरमे खेम पाण्डेय ओ बैतडीमे शंकर भण्डारीहे संयोजक चयन करल माओवादी सुदूरपश्चिम प्रदेश कमिटीके उपाध्यक्ष अक्कल रावल जानकारी डेलै । जिल्ला सचिवमे कञ्चनपुरमे सहबीर सुनार, डडेल्धुरामे लालबहादुर धामी, बैतडीमे रमेश चन्द, बझाङमे रतनबहादुर सिंह, बाजुरामे रमेश बिक, अछाममे उदयबहादुर बिष्ट ओ डोटीमे डबल सिंहहे चयन हुइल बटै ।

डोटीके सहइन्चार्जमे जंग बिक, मिनबहादुर घर्ती, भरत बोहरा ‘योगेन्द्र’ ओ छवि ओली, बैतडीके सहइन्चार्जमे प्रेमप्रकाश भट्ट, बिक्रम कुँवर ओ भुवनचन्द्र बिकहे चयन करल माओवादी प्रदेश कमिटी सचिव जनक बुढा बटैलै । ओस्टेक बझाङ परमानन्द चिमाडी, बाजुरामे सुरेश रोकाया, बिनिता बिक ओ महेश शाही, अछाममे लोकबहादुर बोहरा ज्वाला, खडक रोकाया, लोकेन्द्र साउँद, लोकबहादुर बोहरा अबिरल, सरस्वती रावल, गोविन्द साउँद, जानकी साउँद ओ लोक बोगटीहे सहइन्चार्जके जिम्मेवारी तोकल बा ।

बैठकसे पालिका इन्चार्ज, सहइन्चार्ज, जनवर्गीय संगठन, मोर्चाके फ्याक्सन इन्चार्जकेफे जिम्मेवारी बाँडफाँट करले बा । ओस्टेक संगठन, युवा तथा खेलकुद, स्कूल, शिक्षा मावन स्रोत, श्रम, कृषि भूमिसुधार, निर्वाचन, पर्यटनलगायत टमान विभागीय प्रमुखकेफे जिम्मेवारी तोकल सचिव बुढा जानकारी डेलै ।