नेपाल लोकतान्त्रिक पार्टीसे ११ स्थानीय तहमे संयोजक तोकल
पहुरा समाचारदाता
धनगढी,१३ चैत । अइना बैशाख ३० गते हुइना स्थानीय निर्वाचनमे सक्रिय सहभागीके लाग नेपाल लोकतान्त्रिक पार्टीसे ११ स्थानीय तहमे संयोजक तोकले बा ।
उ पार्टीसे यिहे १२ गते कैलालीके प्रतापपुरमे बैठल बृहत जिल्ला बैठकसे कैलालीके २ स्थानीय तह बाहेक ११ पालिकामे संयोजक तोकल जिल्ला अध्यक्ष माधव चौधरी बटैलै । नमस्ते चुनाव चिन्हा लेके निर्वाचनके लाग तयारी जुटल नेपाल लोकतान्त्रिक पार्टीसे टिकापुर नगरपालिकाके संयोजकमे अभ्यास चौधरी, सदस्यहुक्रे बिनय चौधरी, धना चौधरी तोकले बा ।
जोशीपुर गाउँपालिकामे संयोजकके नजारीलाल चौधरी डेहल बा । सदस्यमे अनिता चौधरी, अभिमन्यु चौधरी बटै । लम्कीचुहा (राजमार्ग क्षेत्र)मे संयोजक शिवचरन चौधरी, सदस्यमे मानबहादुर चौधरी, जितबहादुर चौधरी रहल बटै ।
लम्किचुहा (वार्ड न ७ ओ ९)मे संयोजक धनिराम चौधरी, सदस्यमे सिताराम चौधरी, कृश्णी चौधरी, आशा चौधरी बटै । बर्दगोरियामे संयोजक देशराज चौधरी, सदस्यमे सोमकुमार चौधरी बटै । घोडाघोडी नगरपालिकामे संयोजक प्रदेशी चौधरी, सदस्यमे शंकर चौधरी बटै । गौरीगंगा नगरपालिकामे सयोजक सुरज चौधरी, सदस्यमे शान्तिदेवी चौधरी, मानबहादुर चौधरी बटै । गोदावरी नगरपालिकामे संयोजक डम्मर चौधरी, सदस्य गणेश चौधरी, रजनी चौधरी, मंगल चौधरी सोनकुमारी चौधरी भागिराम चौधरी रहल बटै ।
ओस्टेक करके धनगढी उपमहानगरपालिकामे संयोजक गोठु चौधरी सदस्यमे कुलबिर चौधरी, बिद्दु रानाथारु, जग्दिश चौधरी रहल बटै । कैलारी गाउँपालिकामे संयोजक जगन्नाथ चौधरी, सदस्यमे यम चौधरी, मिलन चौधरी धनिराम चौधरी बटै कलेसे जानकी गाउँपालिकामे संयोजकमे रमेश चौधरी, सदस्यमे शारदा चौधरी बालकृष्णी चौधरी रहल पार्टीके जिल्ला अध्यक्ष माधव चौधरी जनैलै ।
