बजाज एक्सचेन्ज महामेला सुरु

पहुरा समाचारदाता
धनगढी, १६ चैत । दिनेश अटोमोटिभ्स प्रालि धनगढीके आयोजनामे यिहे चैत १६ से २२ गतेसम बजाज एक्सचेन्ज महामेला सुरु हुइल बा ।

बजाज एक्सचेन्ज महामेलाके उदघाटन दिनेश ग्रुपके कार्यकारी अध्यक्ष तथा दिनेश अटोमोटिभ्स प्रालिके प्रमुख श्याम हमाल एक कार्यक्रमके विच करल रहिट । कौनोफे कम्पनीके मोटरसाइकल साटके बजाज कम्पनीके मोटरसाइल लैजाई सेक्ना अवसरके लाग बजाज एक्सचेन्ज महामेलाके आयोजना करल प्रमुख हमाल बटैलै ।

बजाज एक्सचेन्ज महामेला अवधिभर कौनोफे मोटरसाइकलके प्रचलित बजार मुल्याङकनसे रु १० हजार ठप कैना, शुन्य व्याजदरमे ४० प्रतिशत डाउनपेमन्टमे मोटरसाइकल लैजाई सेक्ना कहल ।

ओस्टेक प्रत्येक नयाँ बजाज मोटरसाइकलके खरिदमे पाँच चो कुप्पन खोले पैना, ओम्ने ९ हजारसे १० लाखसमके उप्पर कैना कहल बा । सग्गे मोटरसाइल खरिद करेबेर निशुल्क रुपमे लेगगार्ड, सितकभर, हेलमेट (एशोसिरिज)के व्यवस्था रहल दिनेश अटोमोटिभ्स प्रालि धनगढी जनैले बा ।