दलित समुदायहे पुर्ख्यौली पेशा सामग्री वितरण

पहुरा समाचारदाता
धनगढी, १६ चैत । कैलालीके कैलारी गाउँपालिकास्थित वडा नम्बर ४ के कार्यालयसे दलित समुदायहे पुर्ख्यौली पेशाके सामग्री वितरण करले बा ।

चालू आर्थिक वर्षके लक्षित वर्गके कार्यक्रम अन्तर्गत उ समुदायके मौलिक पेशाहे प्रवर्द्धन कैना उद्देश्यके साथ टमान सामग्री वितरण करल हो । वडा कार्यालयसे सिलाई मेशिन, हठौडा, घन वितरण करले बा ।

गाउँपालिकाके उपाध्यक्ष लक्ष्मी सत्गौंवा उ सामग्री हस्तान्तरण करल रहिट । उ अवसरमे गाउँ सभाके विधेयक समितिके संयोजक राजेश सुनारसहित टमान व्यक्तिके उपस्थिति रहल रहे ।