सवारी दुर्घटनामे २ जानेक मृत्यु
पहुरा समाचारदाता
धनगढी, २५ चैत । दुई मोटरसाइकल एक आपसमे जुझके दुई जानेक मृत्यु हुइल बा ।
कैलाली गोदावरी नगरपालिका ०३ स्थित महेन्द्रनगरसे अत्तरियाओर अइटी रहल चालक जिल्ला कञ्चनपुर शुक्लाफाँटा नगरपालिका ०७ बैठना पुरन कुमार मडैसे चलाइल सु.प.प्र. ०२–००४ प १११ नं. के मोटरसाइकलन ओ विपरित दिशा ओर जैटी रहल चालक जिल्ला कञ्चनपुर कृष्णपुर नगरपालिका ०५ बस्ने लोकेन्द्र पार्कीसे चलाइल से ४ प ४७३० नं. के मोटरसाइकल विफेक रात ९ बजे एक आपसमा जुझल रहे ।
दुनु मोटरसाइकलन चालक ओ सु.प.प्र. ०२–००४ प १११ नं. के मोटरसाइकलन पाछे बैठल जिल्ला कञ्चनपुर शुक्लाफाँटा नगरपालिका ०७ बस्ने दिपक भट्ट घाहिल हुइल रहिट ।
ओइनके सेती प्रादेशिक अस्पताल धनगढीमे उपचार हुइटी रहलमे बुधके रात साढेर १० बजेक समयमे दुनु मोटरसाइकल चालकके उपचारके क्रममे मृत्यु हुइल जिल्ला प्रहरी कार्यालय कैलाली जनैले बा ।
