भूमिहिनहे लालपुर्जा
पहुरा समाचारदाता
धनगढी, २५ चैत । सुदूरपश्चिम प्रदेशमे पहिल बार भूमिहिन दलितहुकनहे जग्गाधनी दर्ता प्रमाणपत्र वितरण करल बा ।
नेपाली कांग्रेसके केन्द्रिय सदस्य तथा पूर्व संविधान सभा सदस्य डाक्टर आरजु राणा देउवा धनगढी उपमहानगरपालिका ९ के २१ परिवार भुमिहिन दलितहुकनहे जग्गाधनी दर्ता प्रमाणपत्र वितरण करले बटी ।
जग्गाधनी दर्ता प्रमाणपत्र वितरण करटी नेतृ राणा नेपाली कांग्रेससे भूमिहिन परिवारहे बसोबासके लाग जग्गा उपलब्ध करैना उदघोष करल बटैटी पहिल चरणमे भूमिहिन दलितहुकनहे जग्गाधनी दर्ता प्रमाणपत्र वितरण करल बटैली ।
उहाँ क्रमबद्ध रुपमे और भूमिहिनहुकनहे समेत जग्गाधनी दर्ता प्रमाणपत्र उपलब्ध करैना बटैली । जग्गाधनी दर्ता प्रमाणपत्र हातमे परलपाछे भूमिहिन दलितहुक्रे खुशी बटै । स्थानीय कालीदेवी कोली सपनामे समेत अपन नाउँमे जग्गा हुइना बाट नइसोचल बटैटी जग्गा पाक्ष्लपाछे बहुट खुशी हुूइल बटैली ।
ओस्टेक, हिरादेवी लुहार समेत जग्गाधनी दर्ता प्रमाणपत्र पाके बहुट खुशी रही । जग्गाधनी दर्ता प्रमाणपत्र वितरण कार्यक्रममे धनगढी उपमहानगरपालिकाके मेयर नृप बहादुर वड लगायतके उपस्थिति रहल रहे ।
