थारु पत्रकार संघके अध्यक्षमे लेखी
पहुरा समाचारदाता
नवलपुर, २६ चैत । थारू पत्रकार संघ, नेपालके केन्द्रीय अध्यक्षमे प्रदीप लेखी सर्वसम्मत चयन हुइल बटै । नवलपुरके अमलटारीमे शनिच्चर सम्पन्न संघके पाँचौं महाधिवेशनसे लेखीके अध्यक्षतामे सर्वसम्मत नयाँ नेतृत्व चयन करल हो ।
ओस्टेक वरिष्ठ उपाध्यक्षमे सन्तकुमार चौधरी, बागमती प्रदेश उपाध्यक्ष किशोर चौधरी, उपत्यका उपाध्यक्ष सहदेव चौधरी, प्रदेश १ उपाध्यक्ष कुलदीप चौधरी, लुम्बिनी उपाध्यक्ष शम्भु चौधरी, मधेश उपाध्यक्ष प्रतिमा चौधरी चयन हुइल बटै । सुदूरपश्चिम, कर्णाली ओ गण्डकी प्रदेश उपाध्यक्ष पाछे मनोनित करजाई ।
ओस्टेक महासचिवमे लक्ष्मी चौधरी, उपमहासचिवमे चितवनके विजय चौधरी, सचिवमे दिप्तीशिखा चौधरी, लीलानाथ गच्छदार, कोषाध्यक्षमे चितवनके कारी महतो चयन हुइल बटै । ओस्टेक सदस्यमे सवि चौधरी, धिरेन्द्र चौधरी, मनोज चौधरी, सुमित्रा चौधरी, दिनेशकुमार चौधरी, राम चौधरी, जनक चौधरी ओ नविन चौधरी, राज चौधरी चयन हुइल बटै ।
शुकके थारु आयोगके अध्यक्ष विष्णु चौधरी कार्यक्रमके उदघााटनके क्रममे संघके मुखपत्र फूलरिया, प्रवासमे थारु पुस्तक तथा चितवन शाखाबाट प्रकाशित थारु क्यालेण्डरके विमोचन करले रहिट । संघके निवर्तमान अध्यक्ष सन्तोष दहित लगायत नयाँ कार्यसमितिके सफलताके कामना करले रहिट ।
