जसपा प्रदेश अध्यक्ष माओवादीमे प्रवेश

पहुरा समाचारदाता
धनगढी, २९ चैत । जनता समाजबादी पार्टी सुदूरपश्चिम प्रदेश अध्यक्ष कृष्णकुमार चौधरी (कुन्दन) नेकपा माओवादी केन्द्रमे प्रवेश करले बटैं । उहाँहे माओवादी केन्द्रके अध्यक्ष पुष्पकमल दाहाल (प्रचण्ड) एक कार्यक्रमके बीच स्वागत करले रहिट ।

१० वर्षे जनयुद्ध कालसे माओवादीमे जोरल उहाँ २०६४ सालके निर्वाचनमे प्रतिनिधि सभामे निर्वाचित हुइल रहिट । पाछे उहाँ बाबुराम भट्टराईसँगे नयाँ शक्ति पार्टी हुइटि जसपामे आइल रहिट । फेनसे उहाँ माओवादीमे पार्टीमे लौटल जनैले बटैं ।

साथे जसपासे पशुपति चाैधरी, गंगा चाैधरी ओ माया नेंगी नेकपा माओवादी केन्द्रमे प्रवेश करले बटैं ।