प्रहरी उपरीक्षक विश्व अधिकारी पुरस्कृत

पहुरा समाचारदाता
धनगढी, ३० चैत । सुदूरपश्चिम प्रदेश प्रहरी कार्यालयसे जिल्ला प्रहरी कार्यालयका कार्यालय प्रमुख प्रहरी उपरीक्षक विश्व अधिकारीहे पुरस्कृत करले बा । सुदूरपश्चिम प्रदेश प्रहरी प्रमुख प्रहरी नायव महानिरीक्षक पुरुषोत्तम कंडेल एक कार्यक्रमके बीच बुधके रोज पुरस्कृत करल रहिट ।

प्रहरी संगठनके नीति निर्देशन अनुरुप उच्च अनुशासनमे रहिके ईमान्दारी, अनुशासित ओ कर्तव्यनिष्ठ तवरसे विभागीय अडर आदेशके पालना कैनाके साथे अपनहे डेहल जिम्मेवारी वफादारीके साथ त्रुटिरहित ढंगसे अपन बुद्धि विवेकसे भ्याइटसम कर्तव्य निष्ठ हुके उल्लेखनीय भूमिका निर्वाह करल कहटी पुरस्कृत करले बा ।

लगनशिलता, अनुशासन, ईमान्दारी एवम उत्कृष्ट कार्यके कदर स्वरुप पुरस्कृत करलेसे और प्रहरी कर्मचारीमे समेत सकारात्मक प्रभाव पर्ना तथा मनोवल उच्च रहना हुइल ओरसे प्रहरी नियमावली २०७१ (संशोधन सहित) परिच्छेद १५ के नियम १९७ के देहाय (ख) से अधिकार प्रयोग करके पुरस्कृत करल सुदूरपश्चिम प्रदेश प्रहरी प्रमुख प्रहरी नायव महानिरीक्षक पुरुषोत्तम कंडेल बटैलै ।