घोडाघोडी मन्दिर परिसर सरसफाई

पहुरा समाचारदाता
सुख्खड, ३ बैशाख । कैलालीमे एनएमवी बैंक लिमिटेड घोडाघोडी मन्दिर परिसर सरसफाइ करले बा । विश्व सम्पदा दिवसके अवसरमे बैंक मन्दिर परिसर सरसफाई करल हो ।

एनएमवी बैंक सुखड शाखाके अगुवाइमा मसुरिया, बौनिया, लम्की ओ टीकापुरके कर्मचारीहुक्रे सरसफाइ करल सुख्खड शाखा प्रमुख प्रेम भट्टराई जानकारी डेलै ।

बैंकसे घोडाघोडी मन्दिरमे डस्विनके फेन सहयोग करले बा । विश्व सम्पदाके संरक्षण तथा सम्वद्र्धनके लाग नयाँ पुस्ताहे जागरूक बनैना हरेक बरस अप्रिल महिनाके १८ तारिखमे इ दिवस मनैना करजाइठ् ।

नेपालमे फेन प्रकृति संरक्षण, पर्यटन, संस्कृति, जैविक विविधता, पर्यावरण लगायतके क्षेत्रमे सरोकार रखुइया सरकारी निकाय ओ राष्ट्रिय तथा अन्तर्राष्ट्रिय गैरसरकारी सङ्घसंस्थाबिच सहकार्य कैके टमान कार्यक्रमके साथ इ दिवस मनैटी आइल बा ।