ट्रक दुर्घटनामे एकके मृत्यु

धनगढी, ७ बैशाख । कैलालीमे ट्रक दुर्घटना होके एक जनहनके मृत्यु हुइल बा । जिल्लाके मोहन्याल गाउँपालिका ५ सिहासन सामुदायिक वन लग्गे सडक खण्डमे दक्षिणसे उत्तर ओर जैटी रहल म १ क ४०७ नम्बरके खाली ट्रक अपनहे अनियन्त्रित होके दुर्घटना हुइल हो ।

प्रहरीके अनुसार मृत्यु हुउइयामे चालक थम्मन प्रसाद सापकोटा रहल बाटै । ओहकान ट्रकसे डबके घटना स्थलमे मृत्यु हुइल जिल्ला प्रहरी कार्यालय कैलाली जनैले बा ।

ओस्टके दुर्घटनामे परके सहचालक गोबिन्द गुरूङ घाहिल हुइल बाटै । ओहकान धनगढीमे उपचार हुइटी रहल बा । ट्रक सडकसे करिब १२० मिटर टरे गिरल प्रहरी जनैले बा ।