निर्वाचन आचारसंहिता उलंघन नैकैना प्रतिबद्धता
पहुरा समाचारदाता
धनगढी, ७ बैशाख । कैलालीके राजनीतिक दलसे निर्वाचन आयोगसे बनाइल निर्वाचन आचारसंहिता उलङ्घन नैकैना प्रतिबद्धता जनैले बाटै ।
जिल्ला प्रशासन कार्यालयसे कैलालीमे बुधके हुइल छलफलमे उपस्थित भयरहित वातावरणमे स्वच्छ प्रतिस्पर्धा करक लाग सहयोग कैना बटाइल हुइट । निर्वाचनमे लोकतान्त्रिक पद्धतिमे प्रतिस्पर्धा हुइना आवश्यक रहल उहाँहुक्रे बटैले बाटै ।
नेपाली काङ्ग्रेसके जिल्ला सभापति नारायणदत्त भट्ट, माओवादी केन्द्रके जिल्ला समन्वय समिति संयोजक लाजुराम चौधरी, राजपाके जिल्ला अध्यक्ष गयाप्रसाद कुश्मी, नेपाल परिवार दलके खडक नागरी, नेपाल मजदुर किसान पार्टीके रमेशकुमार रावल लगायतके प्रतिबद्धता जनैले बाटै ।
कैलालीके प्रमुख जिल्ला अधिकारी किरण थापाके अध्यक्षतामे हुइल कार्यक्रममे निर्वाचन आयोग कैलालीके प्रमुख प्रेमराज भट्ट, सुरक्षा निकायके प्रमुख ओ टमाान राजनीतिक दलके प्रतिनिधिनके उपस्थिति रहल रहे ।
