मोबाइल, टीभी, मोटरसाइकललगायत १० वस्तु आयातमे बन्देज
काठमाडौं, १४ वैशाख । सरकार १० वस्तुके आयातमे बन्देज लगैले बा । उद्योग वाणिज्य तथा आपूर्ति मन्त्रालयसे राजपत्रमे सूचना प्रकाशित कैके कुरकुरे, मदिरा, टिभी, मोबाइल, मोटरसाइकललगायत १० वस्तुके आयातमे रोक लगाइल हो । विलासी उपभोग्य वस्तु असार मसान्तसम आयातमे बन्देज लगाइल हो ।
आयात बन्देज लगाइल वस्तुमे कुरकुरे, कुरमुरे, लेज ओ अस्टे उत्पादन, सक्कु मेरिक तयारी मदिरा, चुरोट तथा सूर्तीजन्य वस्तु (कच्चा प्रदार्थबाहेक) बा ।
ओस्टेक, हिरा (औद्योगिक कच्चा प्रदार्थबाहेक), मोबाइल सेट, रंगिन टेलिभिजन (३२ इन्चसे उप्पर), जिप, कार ओ भ्यान, २५० सीसीसे उप्पर क्षमताके मोटरसाइकल, सक्कु मेरिक खेलौना ओ तास आयातमे बन्देज लगाइल बा ।
राजपत्रअनुसार २०७९ वैशाख १३ गतेसे आघे बुकिङ माध्यमसे आयातके प्रक्रिया रहल हकमे यी व्यवस्था लागू नैहुइ । ओस्टेक, नेपालस्थित कूटनीतिक नियोग अपन प्रयोजनके लाग यी वस्तु आयात करे सेक्ना जनाइल बा ।
