धनगढीके २ पत्रकारहे ज्यान मर्ना धम्की

पहुरा समाचारदाता
धनगढी, २ जेठ । कैलालीके दुई पत्रकारहे ज्यान मर्ना धम्की डेहुइया घोडाघोडी नगरपालिका–२ के निवर्तमान अध्यक्ष सहित २ जनहनहे पक्राउ कैना माग करल बा । नेपाल पत्रकार महासंघ सुदूरपश्चिम प्रदेश समितिसे ओ टमान पत्रकार संघ संगठनहुक्रे यैसिन माग करल हो ।

नेपाल पत्रकार महासंंघ कैलालीके उपाध्यक्ष एवम् एभिन्यूज टेलिभिजनके सुदूरपश्चिम ब्युरो प्रमुख हरिस विक ओ एभिन्यूज टेलिभिजनके कैलाली संवाददाता राजन जैगडीहे अश्लील गालीगलौज सहित ज्यान मर्ना धम्की डेहुइयाहे पक्राउ करके कानुनी कारबाहीके दायरामे नन्ना माग करल बा ।

ओस्टेक, नेपाल पत्रकार महासंंघ कैलाली शाखा, प्रेस चौतारी नेपाल कैलाली शाखा ओ प्रेस सेन्टर नेपाल कैलाली शाखासेफे विज्ञप्ति जारी करटी उ घटना आपत्तिजनक रहल बटैटी दोषी उपर कडा कारबाहीके माग करले बटै ।