ट्रयाक्टर ओ स्कुटर टकराके एकके मृत्यु

पहुरा समाचारदाता
धनगढी, ८ जेठ । कैलालीमे ट्रयाक्टर ओ स्कुटर टकराके एक महिलाके मृत्यु हुइल बा । प्रहरीके अनुसार जिल्लाके गौरीगंगा नगरपालिका–३ कुचौनीमे से. १ त ६८२७ नम्बरके ट्रयाक्टर ओ सुपप्र ०१ ००८ प १७८३ नम्बरके स्कुटर टकराइल हो ।

दुर्घटनामे स्कुटर चालक लम्कीचुहा नगरपालिका–१ के ३० वर्षीया सविता कलेलके घटनास्थलमे मृत्यु हुइल जिल्ला प्रहरी कार्यालय कैलाली जनैले बा । स्कुटरमे सवार लम्कीचुहा–७ के २५ वर्षीया जमूना सिंह घाहिल हुइल ओ ओहकान धनगढीस्थित माया मेट्रो अस्पतालमे उपचार हुइटी रहल कार्यालयके प्रवक्ता प्रहरी नायब उपरीक्षक वेदप्रकाश जोशी बटैलै ।

ट्रयाक्टर चालक गौरीगंगा–७ के २७ वर्षीय पुरन चौधरीहे नियन्त्रणमे लेके अनुसन्धान हुइटी रहल उहाँ बटैलै ।