‘सचिवालय सुदृढीकरण कैना पहिल प्राथमिकता’
पहुरा समाचारदाता
धनगढी, ८ जेठ । धनगढी उपमहानगरपालिकाके नवनिर्वाचित मेयर गोपाल हमाल पहिल प्राथमिकता सचिवालय सुदृढीकरण कैना बटैले बाटै ।
धनगढीके मेयरमे विजयी हुइलापछे सञ्चारकर्मीनके संक्षिप्त प्रतिक्रिया डेटी उहाँ अइसीन बटाइल हुइट ।
‘पहिल प्राथमिकता सचिवालय सुदृढीकरण हो, काहे कि जबसम सचिवालय सुदृढीकरण नैहुइ तबसम कौनो फेन योजना सही तरिकासे कार्यान्वयन नैहुइ । ओहेमारे अब्बे जौन सचिवालय बा । उहीहे कैसिक सुदृढीकरण करे सेकजाइ कहिके कार्यालय प्रमुख ओ टमान शाखाके प्रमुख सँग बैठके उहाँहुक्रनके सल्लाह लेके हम्रे आघे बह्रब,’ उहाँ कहलै ।
ओस्टके हमाल उपमहानगरपालिकामे रहल अधुरा योजनाहे निरन्तरता डेना बटैटी उहाँ कहलै,‘जत्रा फेन अधुरा योजना बावै उहीहे फेन सम्पन्न करक लाग हमार पहिल प्राथमिकता रही । अधुरा रहल योजनाहे समय सीमा भिट्टर गुणस्तर कायम कैके सम्पन्न कैना कार्य ओर लागब ।’
