कक्षा १२ के परीक्षा सुरु

काठमाडौं, १६ जेठ । राष्ट्रिय परीक्षा बोर्ड यी वर्षके कक्षा १२ के परीक्षा देशभर एक्के साथ सुरु करले बा । आज बिहान ८ बजेसे ७७ जिल्लाके एक हजार २९२ परीक्षा केन्द्रमे एक साथ उ तहके परीक्षा शान्तिपूर्णरुपमे सुरु हुइल बोर्डके अध्यक्ष डा. महाश्रम शर्मा जानकारी डेलैं ।

यिहे जेठ २५ गतेसम सञ्चालन हुइना परीक्षामे देशभरसे करिब चार लाख १५ हजार परीक्षार्थी सहभागी हुइना जानकारी डेटि बोर्डके अध्यक्ष डा शर्मा सक्कु परीक्षा केन्द्रमे परीक्षा सुरु हुइनासे आधा घण्टा आगे अनलाइनसे प्रश्नपत्र पठाइल जानकारी डेलैं ।

परीक्षा केन्द्र प्रश्नपत्र फोटोकपी कैके परीक्षार्थीहे वितरण करना व्यवस्था करल बा । विगत दुई वर्ष कोभिड महामारीके कारण विद्यार्थी अध्ययन करल विद्यालय (होम सेन्टर) मे परीक्षा सञ्चालन करलेसे अनलाइनसे प्रश्नपत्र पठैना व्यवस्था करलपाछे यी वर्ष फेन प्रश्नपत्र अनलाइनसे पठैना व्यवस्था करल हो ।

बिहान ८ से ११ बजेसम सञ्चालन हुइना परीक्षाहे शान्तिपूर्ण, मर्यादित, व्यवस्थितरुपमे सम्पन्न करना बोर्ड सक्कु सरोकारवाला निकाय तथा आमनागरिकमे आह्वान करले बा ।