कैलारीसे विद्युत प्राधिकरणहे ६ बुँदे ज्ञापनपत्र
पहुरा समाचारदाता
धनगढी, १९ जेठ । कैलारी गाउँपालिकासे ६ बुँदे माग सहित नेपाल विद्युत प्राधिकरण सुदूरपश्चिम प्रदेशहे ज्ञापनपत्र बुझैले बा ।
विफेक रोज कैलारी गाउँपालिकाके अध्यक्ष राजसमझ चौधरी नेपाल विद्युत प्राधिकरण सुदूरपश्चिम प्रदेश प्रमुख, क्षेत्रीय डायरेक्टर जंगबहादुर चन्दहे कैलारी गाउँपालिकामे पूर्वाधार सहित कृषि मिटरको उपलब्धता गराउनु पर्ने लगायत ६ बुँदे माग सहित ज्ञापन पत्र बुझाइल गाउँपालिकाके प्रवक्त दिपेन्द्रबहादुर बम बटैलै ।
ज्ञापन पत्रमे पूर्वाधार सहित कृषि मिटरके उपलब्धता कराई पर्ना, सहज सुलभ रुपमे विद्युत सेवाके उपलब्धता, नियमित विद्युत सेवाके उपलब्धताके लाग आवश्यकता अनुसार ट्रान्सफर जडान, उद्योग तथा कलकारखाना संचालनके लाग थ्रिफेज लाइन विस्तार करे उल्लेख रहल प्रवक्त बटैलै ।
ओस्टेक करके विद्युत महशुल सुलभ रुपमे बुझाइक लाग विद्युत काउन्टरके स्थापना तथा संचालन ओ कैलारी गाउँपालिकाके बजार क्षेत्रके सडकमे बत्ती जडानके लाग आवश्यक सहयोग तथा समन्वय करे पर्ना माग राखल गाउँपालिका प्रवक्ता बम बटैलै ।
