हिमशिखरसे टिसरा शाखा विस्तार

पहुरा समाचारदाता
धनगढी, २१ जेठ । कैलालीके धनगढीमे मुख्य कार्यालय रहल हिमशिखर बहुउद्देश्यीय सहकारी संस्था लिमिटेडसे अपन टिसरा शाखा विस्तार करले बा । जिल्लाके गौरीगंगा नगरपालिका–८, बडैपुरमे शाखा विस्तार करल हो ।

शाखाके शनिच्चर सुदूरपश्चिम प्रदेशके पुर्वाधार विकास मन्त्री दीर्घबहादुर सोडारी एक कार्यक्रमके बीच उद्घाटन करलै । संस्थाके अध्यक्ष दुर्गाप्रसाद भण्डारीके अध्यक्षतामे हुइल उद्घाटन कार्यक्रममे गौरीगंगा नगरपालिकाके उपप्रमुख भोजबहादुर बम, जिल्ला सहकारी संघ कैलालीके अध्यक्ष फणी प्रसाद सापकोटा लगायतके सहभागिता रहल रहे ।

कार्यक्रममे गौरीगंगा नगरपालिका वडा नम्बर ५ के वडाध्यक्ष विष्णुप्रसाद भाट समेत सहभागि रहे । संस्थाके उपाध्यक्ष रोशन सिंहसे स्वागत मन्तव्य करल कार्यक्रमके सञ्चालन सचिव विमल जोशी करले रहिट ।

कार्यक्रममे संस्थाके कार्यालय प्रमुख महेन्द्रबहादुर शाही संस्थाके बारेमे जानकारी डेहल रहिट । हिमशिखरके कैलालीके कैलारी गाउँपालिका, गोदावारी नगरपालिकामे समेत शाखा विस्तार हुसेकल बा ।