सामाजिक जवाफदेहिताके लाग स्थानीय सरकारहे घच्घच्यइना जरुरी

पहुरा समाचारदाता
धनगढी, २ असार । सामाजिक जवाफदेहिताके लाग स्थानीय तहहे घच्घच्याइना जरुरी रहल नागरिक समाजके अगुवाहुक्रे बटैले बटै ।

विफेक रोज धनगढीमे स्वास्थ्य क्षेत्रमे सामाजिक जवाफदेहिता परियोजना अन्र्तगत हुइल सामाजिक जवाफदेहिताके अभ्यास, प्रयास ओ प्रवद्र्धनमे स्थानीय सरकार ओ नागरिक समाजके भुमिका विषयक अन्तरक्रिया कार्यक्रममे नागरिक अगुवाहुक्रे उ बाट बताइल रहिट ।

सस महासंघ प्रदेश अध्यक्ष देवीप्रसाद खनाल पालिकासे १७ ठो सुचक पुरा करटी सार्वजनिक सुनुवाई ओ सामाजिक परिक्षण आवश्यक रहल बटैलै । उहाँ कहलै, सामाजिक जवाफदेहिताके लाग यहाँके सक्कु पालिका सार्वजनिक सुनुवाई ओ सामाजिक परिक्षण करे पर्ना हो । मने कुछ पालिकासे केल यी कार्यक्रम करल पाइल बा ।’ सामाजिक जवाफदेहिताके लाग स्थानीय पालिकाहे घच्चघच्याई पर्ना आवश्क रहल उहाँ बटैलै ।

एनएनडिएसडब्लुओ के अध्यक्ष चक्र विक स्थानीयतहमे नवनिर्वाचित हुके आइल जनप्रतिनिधिहुकन अब्बे सामाजिक जवाफदेहिताके अभ्यास, प्रयास अभिमुखीकरण आवश्यक रहल बटैलै ।

प्याक्ट÷साहसके सहजीकरणमे हुइल कार्यक्रमके संयोजन सल्लाहकार समुह कैलाली संयोजन करल रहे । कलेसे युके एडके आर्थिक सहयोगमे हुइल रहे । कार्यक्रममे प्याक्टके परियोजना संयोजक अस्मीन भट्टराई सहजीकरण करल रहिट । कार्यक्रम संचालन हेमकर्ण विक करल रहिट ।