नेपाली सेनासे तारागढी ओ ताराकोट पुनर्निर्माण सुरु
पहुरा समाचारदाता
धनगढी, ५ असार । नेपाली सेनासे एतिहासिक किल्ला पुनर्निर्माणके काम सुरु करल बा । नागरिक सैनिक सम्बन्ध बिस्तार अन्तर्गत स्थानीयसँग समन्वय कैके ऐतिहासिक किल्ला पुनर्निर्माणके काम सुरु करल हो ।
१६ लाखसे ढिउर लागतमे निर्माण करल तारागढी ओ ताराकोट अँट्वारके स्थानीय तहहे हस्तान्तरण करल बा । जौन अन्तर्गत कैलालीके देवी दल गण अत्तरिया तेघरीसे गोदावरी नगरपालिकाके वडा नम्बर १२ मे रहल तारागढीके पुनर्निर्माण करल बा ।
गोदावरी नगरपालिकामे पर्ना ताराकोटके फेन नेपाली सेनासे पुनर्निर्माण करल बा । अत्तरिया तेघरीमे रहल दवी दल गणसे स्थानीय तहसँग समन्वय कैना निर्माण करल उ ऐतिहासिक किल्ला गोदावरी नगरपालिकाहे हस्तान्तरण करल हो ।
अँट्वारके उ किल्ला उद्घाटन कार्यक्रम आयोजना कैटी स्थानीय तहहे हस्तान्तरण करल देवी दल गण तेधरी अत्तरिया जनैले बा ।
उ कार्यक्रममे देवी दल गणके गणपति सुनिल मल्ल, स्थानीय तहके जनप्रतिनिधि लगायतके सेनाके अन्य उच्च अधिकारीहुक्रनके सहभागि रहल रहे ।
