युवा उद्यमी संघके अध्यक्षमे खड्का

पहुरा समाचारदाता
धनगढी, ५ असार । नेपाल युवा उद्यमी संघ कैलालीके अध्यक्षमे अभियान खड्का चयन हुइल बटै ।

धनगढीमे हुइल पाँचौ साधारण सभासे अध्यक्षमे खड्काहे चयन करल हो । नयाँ चयन हुइल कार्य समितिके प्रथम उपाध्यक्षमे कुवेर शाही, द्धितीय उपाध्यक्षमे तर्कराज भट्ट रहल बटै । कार्य समितिके सदस्यमे शिवराज ओझा, अच्युत दाहाल, आयुष मोहपाल, आयुष हमाल, आदित्य हमाल, आशिष शाह ओ श्रृष्टि पाण्डेय रहल बटै ।

साधारण सभा निवर्तमान अध्यक्ष ईन्जिनियर रोशन भट्टके अध्यक्षतामे सम्पन्न हुइल रहे । नेपाल युवा उद्यमी समुह संघ पदाधिकारी ओ सदस्यके कार्यकाल एक बर्षके हुइना करल बा ।