नागरिक उन्मुक्ति पार्टीके वडास्तरीय कमिति गठन

पहुरा समाचारदाता
हसुलिया, ६ जेठ । नागरिक उन्मुक्ति पार्टीके कैलारी गाउँपालिका वडा नम्बर ८ मे आझ वडास्तरीय कमिति गठन हुइल बा ।

संगठन विस्तार कार्यक्रममे केन्द्रीय सदस्य गंगाराम चौधरी हम्रे थारुनके अधिकार, माग मुद्दा ओ पहिचान करक लाग सक्कु जाने एकजुट होके जाइ पर्ना बटैलैं । आघे बर्हक लाग संगठित होके गैलेसे किल पहिचानके काम करे सेक्जाइ उहाँ कलैं, ओकर लाग एक होके संगठनमे लागे पर्ना बटैलैं ।

ओस्टेके, कैलारी गाउँपालिलाके नागरिक उन्मुक्ति पार्टीके अध्यक्ष चन्द्र चौधरी नागरिक उन्मुक्ति पार्टी आदिवासी, पिछ्डा वर्गके पहिचानके लाग समाजमे ढेर काम करल बटैलैं । उहाँ कलैं, थारुनके वास्तविक पिर, व्यथा, बुझके पहिचान स्थापित करक लाग इ पार्टीहे आब अइना दिनमे राष्ट्रिय पार्टी बनाके आघे बर्ह्ना बटैलैं ।

ओस्टेके, कैलारी गाउँपालिकाके वडा नम्बर ८ वडा कमिति गठन हुइल बा । पुरन चौधरीके संयोजकत्वमे २१ जहनके ८ नम्बर वडा कमिति गठन हुइल बा । कमितिके सदस्यमे छोटबहादुर कठरिया, अमृतलाल चौधरी, तोयानाथ सत्गौंवाँ, रामसमझ चौधरी, खगेन्द्र चौधरी, तेजराम चौधरी, शितलदास चौधरी, रामदास चौधरी, रमेश चौधरी, हरिशचन्द चौधरी, पाँचुराम चौधरी, होरीलाल चौधरी, रामदत्त चौधरी, जलप्रसाद चौधरी, प्रेम चौधरी, चन्द्रसिंह चौधरी, पवनकुमार चौधरी, धिरज चौधरी, प्रशुराम चौधरी, आशाराम चौधरी, मोहन चौधरी चयन हुइल बटैं ।

अब्बे नागरिक उन्मुक्ति पार्टी कैलारी गाउँपालिका कैलारी गाउँपालिकामे अपन संगठन विस्तारमे हिरगरसे लागल बा । अइना दिनमे गाउँपालिकाके सक्कु वडामे कमिति विस्तार कर्ना जनैले बा ।