लागूऔषधसहित २ जे पक्राउ

पहुरा समाचारदाता
धनगढी, ६ असार । कैलालीके धनगढी उपमहानगरपालिका वडा नम्बर २ मिलन चोकसे लागूऔषधसहित दुई जे पक्राउ परल बटैं ।

जिल्ला प्रहरी कार्यालय धनगढीसे खटल विषेश प्रहरी टोली धनगढी–२, रामजानकी टोलके १९ वर्षके दीपेन्द्रबहादुर मल्ल ओ मिलन चोकमे ग्रिनलेण्ड प्लाजा सञ्चालक २९ वर्षके चक्रसिंह पार्की लागूऔषध (खैरो हेरोईन) सहित पक्राउ परल बटैं ।

जिल्ला प्रहरी कार्यालयके अनुसार मल्लके घरसे ५ ग्राम खैरो हिरोईन ओ नगद ४६ हजार ४५० नेपाली ओ नगद ४ हजार भारतीय रुप्याफेन बरामद करले बा । ओस्टेके, प्लाजाके सञ्चालक पार्कीके ठनसे ४ ग्राम ३०० मिलिग्राम प्लाजासे लागूऔषध बरामद करल बा ।

उहाँहुकनहे आवश्यक अनुसन्धानके लाग जिल्ला प्रहरी कार्यालय नानल प्रहरी प्रवक्ता वेदप्रकाश जोशी जानकारी डेलैं ।