विपद् संवेदनशील रिपोर्टिङ कार्यशाला
पहुरा समाचारदाता
धनगढी, ६ असार । शहरी विपद् तथा भूकम्पीय पूर्व तयारी परियोजनासे सोम्मारके रोज विपद संवेदनशील रिपोर्टिङ कार्यशाला कैले बा ।
यूएन डिपीके आयोजनामे यूनिसेफ, यूएन वुमनके सहकार्य तथा नेपाल रेडक्रस सोसाइटी कैलालीके समन्वयमे कैलाली ओ डडेल्धुराके संचारकर्मीनके सहभागितामे विपद संवेदनशील रिपोर्टिङ कार्यशाला कैगिल हो ।
शहरी विपद तथा भुकम्पीय पूर्व तयारी परियोजनाके बारेमे यूएन डिपीके परियोजना संयोजक केदारबाबु ढुड्डाना जानकारी डेहल रहिट । यी परियोजना सुदूरपश्चिम प्रदेशके धनगढी उपमहानगरपालिका, अमरगढी नगरपालिकामे, कर्णाली प्रदेशके जयपृथ्वी नगरपालिकामे ओ लुम्बिनी प्रदेशके नेपालगञ्ज उपमहानगरपालिकामे शहरी विपद तथा भुकम्पीय पूर्वतयारीके बारेमे सचेतना अभिवृद्धि, जोखिममे रहल समुदायहे संलग्ना करके विपद जोखिम ओ पूर्वतयारीके उपायबारे बुझाई बह्रैटी सरोकारवाला विच समन्वयके काम करैटी आइल परियोजना संयोजक ढुड्डाना बटैलै ।
कार्यक्रममे सुदूरपश्चिम प्रदेशके आन्तरिक मामिला तथा कानून मन्त्रालयके लक्ष्मी प्रसाद जोशी प्रदेशमे विपदके स्थिति ओ जोखिम न्यूनिकरण एवं व्यवस्थापनके प्रयासबारे कार्यपत्र प्रस्तुत करल रहिट ।
ओस्टेक नेपाल पत्रकार महासंघके पूर्व केन्द्रीय अध्यक्ष राम जी दाहाल विपद ओ यिहीसे हुइना क्षति, मिडियाके भूमिका, मिडियाके चुनौती अन्र्तवार्ता, संविधानमे विपद सम्बन्धी व्यवस्था ओ खोज पत्रकारिताबारेफे जानकारी डेहल रहिट ।
कार्यक्रममे नेपाल पत्रकार महासंघ कैलालीके अध्यक्ष हिमालय जोशी विपद संवेदनशील रिपोर्टिङ कार्यशालासे संचारकमर्मीहुकनके विपद सम्बन्धी समाचार लेखनमे सहयोग पुग्ना बटैलै ।
