लागु औषधसहित २ जाने पक्राउ

पहुरा समाचारदाता
धनगढी, ७ असार । लागु औषध (खैरो हिरोईन) १० ग्राम ओ २.५ के.जी. चरेश सहित २ जाने पक्राउ परल बटै ।

लागु औषध कारोबार हुइटी रहल कना गोप्य सूचनाके आधारमे जिल्ला प्रहरी कार्यालयसे खटल प्रहरी टोली चेकजाँच करेबेर जिल्ला बझाङ बुंङ्गल नगरपालिका वडा नं.–०८ घर रहल हाल जिल्ला कैलाली धनगढी उप–महानगरपालिका वडा नं.– ०५ तारानगर डेरा करके बैठना बर्ष २८ के प्रेम ऐडीके कोठासे २.५ के.जी चरेशसहित पक्राउ कैगिल बा ।

ओस्टेक करके धनगढी उप–महानगरपालिका वडा नं.– ०२ पुरान भन्सार बैठना अन्दाजी बर्ष २७ के गणेश विष्टके घरसे १० ग्राम (खैरो हेरोईन) बरामद करके बरामद हुइल सामान ओ ओइनके जिल्ला पं्रहरी कार्यालय नानके थप अनुसनधान कार्य हुइटी रहल प्रहरी प्रवक्ता वेदप्रकास जोशी बटैलै ।