कैलारी गाउँपालिकाभिटर दलित मुक्तकमैया, विपन्न वर्गहे असार २४ गतेभिटर निःशुल्क विद्युत मिटर वितरण कैना

पहुरा समाचारदाता
हसुलिया, १८ असार । कैलालीके कैलारी गाउँपालिका अपन पालिकाभिटर रहल दलित, मुक्तकमैया, विपन्न वर्गहे सम्बन्धित वडाके सिफारिसमे निःशुल्क विद्युत वितरण कैना जनैले बा ।

गाउँपालिका अध्यक्ष राजसमझ चौधरीके पहलमे यिहे असार २४ गतेभिटर सम्बन्धित वडा कार्यालयके सिफारिसमे विद्युत मिटर वितरण कैना गाउँपालिका अध्यक्षके स्वकीय सचिव जितेन्द्र चौधरी बटैलै ।

आर्थिक अभावमे अभिनसम विद्युत मिटर पैना बन्चित रहल गाउँपालिकाभिटरके गरिब, दलित, मुक्तकमैया, विपन्न वर्गहुकन निःशुल्क विद्युत मिटर वितरण कैना बा ।

विद्युत मिटर नइरहल परिवार उ सेवा लेहक लाग सम्बन्धित वडा कार्यालयके सिफारिस लेके विद्युत मिटर पाई सेक्ना पालिका जनैले बा ।