बुढीगंगाके मेयर–उपमेयरमे एमाले विजयी

पहुरा समाचारदाता
धनगढी,२६ असार । बाजुराके बुढीगंगा नगरपालिका मेयर–उपमेयर पदमे नेकपा एमाले विजयी हुइल बा ।

मेयरमे एमालेके रामबहादुर बानियाँ कांग्रेसके रङगबहादुर खातीहे हरैलै । ओस्टेक उपमेयरमे एमालेके मायाकुमारी खड्का कांग्रेसके रिता शाहीहे पराजित करले बटी ।

बानियाँ ४ हजार ७७७ मत पाईबेर कांग्रेसके रंगबहादुर खाती ३ हजार ७७४ मत पैलै । ओस्टेक उपमेयरमे एमालेके मायाकुमारी खड्का ४ हजार ७२७ ओ कांग्रेसके रिता शाही ३ हजार ७५५ मत नन्लै । मेयरमे १ हजार ३ ओ उपमेयरमे ९७२ मतके फरक बा । अँटवारके ओराइल मतगणनाअनुसार १० वडामन्से ७ वडाध्यक्षसहित एमालेके उम्मेदवार विजयी हुइल बटै ।वडा नम्बर १, २, ३ , ५, ७ ९, ओ १० मे एमाले ४, ७ ओ ८ के अध्यक्षमे कांग्रेसके उम्मेदवार विजयी हुइल बटैै ।