रेशम चौधरी रिहाइके माग करटि प्रधानमन्त्रीहे ज्ञापनपत्र

काठमाडौं, २८ असार । लोकतान्त्रिक समाजवादी पार्टी सप्तरी रेशम चौधरीके निःसर्त रिहाइलगायत माग करटि सोम्मारके रोज ज्ञापनपत्र बुझैले बा ।

जिल्ला प्रशासन कार्यालय सप्तरीमार्फत प्रधानमन्त्री तथा मन्त्रिपरिषद्के कार्यालय सिंहदरबारहे सम्बोधन कैके लोसपा उ ज्ञापनपत्र बुझाइल लोसपाके नेता पुनम यादव बटैलि । जिल्ला अध्यक्ष सुनीलकुमार झाके नेतृत्वमे गैल नेताकार्यकर्ता सप्तरीके प्रमुख जिल्ला अधिकारी जनार्दन गौतमहे टमान १४ बुँदे मागसहितके ज्ञापनपत्र बुझैले रहिट ।

लोसपाके ज्ञापनपत्र बुझ्टि प्रमुख जिल्ला अधिकारी गौतम ज्ञापनपत्र सोम्बारे प्रधानमन्त्री तथा मन्त्रिपरिषद्के कार्यालय सिंहदरबार काठमाडौं पठैना प्रतिबद्धता करले रहैं । ज्ञापनपत्रमे सांसद रेशम चौधरीसहित टमान आन्दोलनके क्रममे पक्राउ परल राजबन्दीहे निःसर्त रिहाइ करेपरना, देशमे व्याप्त महँगी, भ्रष्टाचार, कृषिके लाग मलखाद ओ नागरिकताबिहीनके लाग नागरिकता उपलब्ध कराइपरनालगायत टमान १४ बुँदे माग बा ।