न्यायिक ओ अर्धन्यायिक निकाय जिम्मेवारी हुई पर्नामे जोड
पहुरा समाचारदाता
धनगढी, २८ असार । अनौपचारिक क्षेत्र सेवा केन्द्र (इन्सेक) सुदूरपश्चिम प्रदेश कार्यालय, धनगढीके आयोजनामे नागरिकके न्यायमे पहुँचके लाग न्यायिक ओ अर्धन्यायिक निकायके जिम्मेवारी भुमिका विषयक अन्तरक्रिया कार्यक्रम हुइल बा ।
इन्सेक सुदूरपश्चिम प्रदेश संयोजक खडकराज जोशी कार्यक्रममे सहजीकरण करटी स्थानीय तहके न्यायिक समिति, प्रहरी प्रशासन, जिल्ला बार, जिल्ला प्रशासन, राष्ट्रिय मानव अधिकार आयोग, गैर सरकारी संस्था माहासंघ तथा मानव अधिकारके क्षेत्रमे काम कैना सक्कु संघसंस्था बिच समन्वय ओ सहकार्यके आवश्यक रहल बटैले रहिट । नागरिकहुकनके न्यायमे पहुँच पुगैना ओ न्यायिक निकायहे पीडितमैत्री बनैना उद्देश्यसे कार्यक्रमके आयोजना करल उहाँ बटैलै ।
सुदूरपश्चिम प्रदेश मुख्य न्यायधिवक्ता कुलानन्द उपाध्याय स्थानीय सरकारके न्यायिक समितिके काम, कर्तव्य, अधिकार ओ जिम्मेवारी तथा न्याय सम्पादन करेबेर अपनाई पर्ना सिद्धान्तबारेमे प्रस्तुतीकरण करल रहिट ।
जिल्ला प्रहरी कार्यालय कैलालीके डिएसपी वेदप्रकाश जोशी महिला, बालबालिका तथा जेष्ठ नागरिक सेवा केन्द्रमे अइना मुद्दा ओ जिल्ला प्रहरी कार्यालयके अपराध, अनुसन्धान शाखामे अइना मुद्दाके घटनाके प्रकृति अनुसार कानुनी प्रकृयाके बारेमे जानकारी करैले रहिट ।
राष्ट्रिय मानव अधिकार आयोगके मानव अधिकार अधिकृत गणेशराज जोशी न्यायिक निकायमे पीडितसे राजनितिक प्रभावके कारण आरोपितके पक्षमे ढेर वकालत हुइना ओरसे पीडितसे न्यायिक निकायसम पुग्न समस्या हुइल कारण सक्कु न्यायिक निकायहे पीडित मैत्री बनैना आवश्यक रहल बटैलै ।
धनगढी उपमहानगरपालिकाके उपप्रमुख कन्दकला राना न्यायिक निकायमे पीडितसे उजुरी दर्ता कैना मने आरोपितहे छलफलके लाग बोलाईबेर न्यायिक समितिके पदाधिकारीहुकनहे नइतेर्ने, बोलाइल समयमे उपस्थित नइहुडेके न्याय सम्पादनमे समस्या अइना करल ओरसे पीडितसे न्यायिक समितिप्रति विश्वास नइकैना अवस्था अइटी रहल बटैली ।
पुनर्वास नगरपालिकाके उपप्रमुख भुलिया राना न्याय सम्पादनके प्रकृया पत्ता नइहुइल कारण पीडितहे समयमे न्याय डेहुवाई नइसेकल बटैली । धनगढी उपमहानगरपालिकाके सूचना अधिकारी सुरेन्द्रसिंह कार्की स्थानीय न्यायिक समितिसे फैसला हुइल मुद्दा कार्यान्वयनमे नन्ना समस्या हुइल बटैलै ।
