कैलारी गाउँपालिका विपन्न परिवारहे निःशुल्क विद्युत मिटर वितरण
पहुरा समाचारदाता
धनगढी, २९ असार । कैलालीके कैलारी गाउँपालिका विपन्न परिवारहे निःशुल्क रुपमे विद्युत मिटर वितरण करले बा ।
गाउँपालिकासे १५४ परिवारहे निःशुल्क रुपमे विद्युत मिटर उपलब्ध कराइल हो । बुधके सकारे एक कार्यक्रमके बीच गाउँपालिकाके अध्यक्ष राजसमझ चौधरी विद्युत मिटर हस्तान्तरण करल रहिट ।
उ क्रममे उहाँ गाउँपालिकामे ढिउर विपन्न परिवार विद्युत मिटर जडान करे नैसेकल बटैलै ।‘एक वडामे कम्तीमे फेन १०/१२ विपन्न घर परिवार विद्युत मिटर जडान करे नैसेकल अनुमान कैके हम्रे उहे अनुसार मिटर माग करल रही’, उहाँ कहलै ।
विद्युत मिटर वितरण कार्यक्रममे गाउँपालिकाके प्रमुख प्रशासकीय अधिकृत वीरबहादुर ऐर, गाउँपालिकाके प्रवक्ता एवम् वडा नम्बर ७ के वडा अध्यक्ष दीपेन्द्र बम, वडा अध्यक्ष, सामाजिक विकास शाखा प्रमुख एवम् सूचना अधिकारी यगम कलेल, योजना शाखा प्रमुख सन्तोषकुमारी चौधरीसहित गाउँपालिकाके कर्मचारी लगायतके उपस्थिति रहल रहे ।
गाउँपालिकासे निःशुल्क रुपमे विद्युत मिटर वितरणके लाग विपन्न परिवारसे निवेदन माग करल रहे ।
