नेपाली काँग्रेस अछामसे राज्यमन्त्री रैकाके स्वागत

पहुरा समाचारदाता
धनगढी, १ सावन । सुदूरपश्चिम प्रदेश सरकारके सामाजिक विकास राज्यमन्त्री टेकबहादुर रैकाहे अछाममे स्वागत एवं अभिनन्दन करल बा ।

राज्यमन्त्री रैकाहे दलित एवं पाछे पारल वर्ग समुदायके नेतृत्व करटि राज्यके नीति निमार्ण उच्च तहमे दलित समुदायसे पुग्ना सफल हुइल कटि नेपाली काँग्रेसके अछाम सभापति पुष्पबहादुर शाह ओ जनप्रतिनिधि एवं स्थानीयबासीहुक्रे स्वागत, सम्मान एवं अभिनन्दन करले रहैं ।

ओस्टेके उ अवसरमे अछाम माओवादी केन्द्रके युवा नेता प्रकाश रैगाई नेपाली काँग्रेस प्रवेश करले बटैं ।

माओवादी नेता रैगाईहे नेपाली काँग्रेसके केन्द्रीय महासमिति सदस्य एवं सामाजिक विकास राज्यमन्त्री टेकबहादुर रैका अँट्वारके रोज अछामके साँफेबगर एक कार्यक्रमके बीच स्वागत करटि काँग्रेस प्रवेश करैलैं ।