नवजीवन अस्पतालसे मेघा बैंकके सेवाग्राहीहे उपचारमे छुट

पहुरा समाचारदाता
धनगढी, ४ सावन । धनगढीके नवजीवन अस्पतालसे मेघा बैंक धनगढी शाखाके कर्मचारी ओ सेवाग्राहीहे उपचारमे छुट डेना हुइल बा ।

बुधके नवजीवन अस्पताल ओ मेघा बैंकबीच उपचार लगायतके सेवामे छुट डेना सम्झौता करल हो । नवजीवन अस्पतालके अनुसार मेघा बैंकमे खाता, डेबिट वा क्रेडिट कार्ड रहल सेवाग्राहीहे सेवा लेहे आइबर बैंकके निशा प्रमाण पेस करल अवस्थामे छुट सेवा डेना बटाइल बा ।

अस्पतालसे ओपिडी टिकटमे १० प्रतिशत, ओटी शल्यक्रियामे १२ प्रतिशत, बेडमे १० प्रतिशत, आइसियुमे १४ प्रतिशत, ल्यावमे १४ प्रतिशत ओ एक्सरेमे १४ प्रतिशत छुट डेना सम्झौता हुइल अस्पतालके प्रमुख कार्यकारी अधिकृत (सीईओ) चक्र खडायत जानकारी डेलै ।