लागु औषध सहित तीन पक्राउ

कञ्चनपुर, ५ सावन । कञ्चनपुरमे लागु औषध सहित तीन जाने पक्राउ परल बाटै । जिल्लाके पुनर्वास नगरपालिका वडा नम्बर ११ अमरबस्ति स्थित नेपाल भारत खुल्ला सीमा नाकामे भारतसे भारतके लखिमपुर जिल्ला पलिया बैठुइया बरस २८ के सुमित गुप्ता, बरस २४ के लवि गुप्ता ओ बरस २७ के बबि महेन्द्रहे पक्राउ करल हो ।

तालुक सुदूरपश्चिम प्रदेश प्रहरी कार्यालय धनगढीसे खटल प्रहरी नायब निरीक्षक पदम बहादुर थापा ओ इलाका प्रहरी कार्यालय त्रिभुबनबस्ती मातहत प्रहरी चौकी परासनसे प्रहरी नायब निरीक्षक राम सिंह धामीके कमाण्डमे खटल टोली ७८.३७ ग्राम लागु औषध फेला पारल हो ।

ओस्टके उहाँहुक्रनठनसे नगद १५ हजार भारतीय रुपैयाँ, मोबाइल तीन थान समेत बरामद करल प्रहरी जनैले बा । पक्राउ परल तीनु जनहनहे नियन्त्रणमे लेके थप आवश्यक अनुसन्धान हुइटी रहल इलाका प्रहरी कार्यालय त्रिभुबनबस्ती जनैले बा ।