निसर्ग ओ ऐश्वर्यबीच स्वास्थ्य सेवामे छुट डेना सम्झौता

पहुरा समाचारदाता
धनगढी, ६ सावन । धनगढी उपमहानगरपालिका वार्ड नम्बर ५ मे अवस्थित निसर्ग हस्पिटल एन्ड रिसर्च सेन्टर प्रालि ओ ऐश्वर्य विद्या निकेतन बिच स्वास्थ्य सेवामे छुट डेना सम्बन्धी सम्झौता हुइल बा ।

उ सम्झौता पत्रमे हस्पिटलके अध्यक्ष तीर्थ राज पन्त ओ विद्यालयके ओरसे प्राचार्य प्रेम निधि ओझा हस्ताक्षर करल हुइट । डुनु पक्षबिच २०७९ सावन ६ गतेसे लागु होके एक बरस अवधि रहना बा कलेसे ऐश्वर्य विद्या निकेतनसे निसर्ग हस्पिटलहे छुटके लाग बिरामी उपचारके लागे पठाइबर संस्थाके पत्र ओ बिरामीके परिचय खुल्ना कागजातके प्रतिलिपि पेस करे पर्ना जनाइल बा ।

नेपाल सरकारसे निदिष्ट करल वर्ग तथा उ विद्यालयमे सतप्रतिशत छात्रवृति प्राप्त करल विद्यार्थीहे ओपीडी निःशुल्क कैना जनाइल बा ।