१७ लाख भारतीय रुपैयाँसहित दुई पक्राउ

पहुरा समाचारदाता
धनगढी, ७ सावन । सशस्त्र प्रहरीसे धनगढीसे स्रोत नैखुलल् भारतीय रकमसहित दुई जनहनहे पक्राउ करले बा ।

धनगढी उपमहानगरपालिका–१ पशुपति टोलसे १७ लाख ६६ हजार ७ सय ७० भारतीय रुपैयाँ सहित सशस्त्र प्रहरीके केन्द्रीय ब्युरो टोलीसे दुई जनहनहे पक्राउ करल हो ।

शनिच्चर सकारे साढे ५ बजेके समयमे सशस्त्र प्रहरीके ब्युरो टोली उ रकम सहित धनगढी उपमहानगरपालिका–१ शान्तिटोलके १७ वर्षीय विबेक चन्द ओ उहे ठाउँके १८ वर्षीय सरोज धामीहे पक्राउ करल सशस्त्र प्रहरी बल, नेपाल नम्बर ३४ गण कैलाली जनैले बा ।

इ बारेम थप अनुसन्धान हुइटी रहल सशस्त्र प्रहरी नायब उपरीक्षक देवराज जोशी जानकारी डेलै ।