लायन्स क्लब अफ धनगढी भिजनसे वृक्षारोपण

पहुरा समाचारदाता
धनगढी, ७ सावन । लायन्स क्लब अफ धनगढी भिजनसे शनिच्चर सकारे धनगढी उप–महानगरपालिकाके वडा नं २ सरस्वती नगरमे वृक्षारोपण करल बा ।

धनगढी भिजनसे सिटी क्लब अफ धनगढीके खेलकुद परिसर भित्र वृक्षारोपण करल क्लबके अध्यक्ष सुरेश अवस्थी जानकारी डेलै । उहाँ खेलकुद परिसरमे लिप्टिस, फुल लगायत टमान जातके बोट विरुवाके वृक्षारोपण करल बटैलै ।

लायन्स क्लब अफ धनगढी भिजनके अध्यक्ष सुरेश अवस्थीके सभापतित्वमे सम्पन्न हुइल वृक्षारोपण कार्यक्रममे बर्का पहुना वडा नं २ के अध्यक्ष धर्म राज ओझा, खास पहुना लायन्स क्लबके डिष्ट्रिक चिफ एमजिफ राजेश भाट, सशस्त्र प्रहरी विओपी नल्का घाटके सई किशन सिंह टेर, पहुनामे गेटा आँखा अस्पतालके नेत्र अधिकृत देब राज पनेरु, सिटी क्लब अफ धनगढीके प्रतिनिधि प्रकाश विष्ट रहल रहिट ।