शिवरत्नपुरके बाढ पीडितहे खाद्यन्न तथा लत्ताकपरा वितरण

पहुरा समाचारदाता
हसुलिया, १३ सावन । कैलाली जिल्लाके कैलारी गाउँपालिका वडा–३ शिवरत्नपुरके बाढ प्रभावित ४० घरपरिवारहे खाद्यन्न तथा लत्ताकपरा वितरण करल बा ।

कैलारी गाउँपालिकाके अध्यक्ष राजसमझ चौधरीके विशेष समन्वय तथा सुदूरपश्चिम प्रदेश सामाजिक विकास मन्त्री राज्यमन्त्री टेकबहादुर रैकाके पहलमे शिवरत्नपुरके बाढ पीडित ४० घरपरिवारहे खाद्यन्न तथा लत्ताकपरा, प्राथमिक स्वास्थ्य किडस वितरण करल हो ।

कैलारी गाउँपालिका, सुदूरपश्चिम प्रदेश सामाजिक विकास मन्त्रालयके समन्वयमे कारक इन एक्टके सहयोगमे बहुउद्देश्यीय विकास समाज डडेल्धुरासे बाढ पीडितहुकनहे खाद्यन्न तथा लत्ताकपरा, प्राथमिक स्वास्थ्य किडस वितरण करले बा ।

बाढ पीडितहुकनहुकनहे सामाजिक विकास राज्यमन्त्री टेकबहादुर रैका, कैलारी गाउँपालिका अध्यक्ष राजसमझ चौधरी, गाउँपालिका उपाध्यक्ष भगवतीकुमारी चौधरी, नेपाली काँग्रेस कैलालीके कार्यवाहक सभापति खेमराज डगौंरा, वडा नम्बर–३ के अध्यक्ष सन्तराम चौधरी, नेपाली काँग्रेस घोडाघोडी नगरपालिका सभापति बमबहादुर सिंह, नेपाली काँग्रेसके महासमिति सदस्य रामचरण चौधरी, नेपाली काँग्रेस कैलारी सभापति कृष्णप्रसाद चौधरी, नेपाली काँग्रेस कैलारी सचिव मिना चौधरी, सामाजिक विकास राज्यमन्त्री टेकबहादुर रैकाके स्वकीय सचिव राजेन्द्र रैका लगायतसे उ सामाग्री वितरण करल रहिट ।

बाढ प्रभावित ४० घरपरिवारहे एक कटटा चाउर, नोन, दल, चिनी, तेल, ब्याङकेट, तन्ना, चकटी, प्राथमिक स्वास्थ्य किटस वितरण करल बा ।

बहुउद्देश्यीय विकास समाज डडेल्धुराके कार्यक्रम संयोजक शिवराज पाठक कैलालीके कैलारी गाउँपालिका, धनगढी उपमहानगरपालिकामे बाढ पीडित ओ डडेल्धुरा जिल्लामे आलिताल गाउँपालिका, परशुराम नगरपालिका, भागेश्वर गाउँपालिकामे पहिरो प्रभावितके क्षेत्रमे काम करटी रहल बटैलै ।

बहुउद्देश्यीय विकास समाजसे सामान वितरण कैना (खाद्यन्न सामाग्री, लत्ता कपरा मेडिकल किडस) दुसुर बाढ पहिरोसे क्षति पुगाइल घर, चर्पी मर्मतके लाग १० हजार बराबरके नगद सहयोग करल बटैलै । यिहीसे आघे कैलारीके ४ ओ ५ नम्बर वडामे काम करल उहाँ बटैलै ।

राहत वितरण कार्यक्रममे नागरिक उन्मुक्ती पार्टीके ओरसे कैलारी गाउँपालिका अध्यक्षके उम्मेदवार भिष्म चौधरी, विओपी खोनपुरके प्रमुख सुर्य खडका लगायतके उपस्थिति रहल रहे ।