नाट्टाके प्रदेश अध्यक्षमे सिंह
पहुरा समाचारदाता
धनगढी, १४ सावन । नेपाल एसोसिएसन अफ टुर एण्ड ट्राभल एजेन्ट्स (नाट्टा) सुदूरपश्चिम प्रदेशके अध्यक्षमे पदमविक्रम सिंह निर्वाचित हुइल बटैं ।
शनिच्चरके रोज धनगढीमे हुइल नाट्टा सुदूरपश्चिम प्रदेश संघके आठौँ वार्षिक साधारणसभा तथा चौठा अधिवेशनसे अध्यक्षमे सिंह निर्वाचित हुइल हुइट् । उहाँ तीन कार्यकाल महासचिव होके संगठनहे चलायमान बनैले रहैं ।
कार्यसमितिके उपाध्यक्षमे धनन्जय जैसी, महासचिवमे शिवहरि पाण्डे, कोषाध्यक्षमे लोकराज भट्ट, सचिवमे सबिता ऐर निर्वाचित हुइल बटैं । ओस्टेक कार्यसमिति सदस्यमे पदमबहादुर चन्द, विक्रम ठकुल्ला, किशोर खड्का, मेखेन्द्र खत्री चयन हुइल बटैं ।
यीआघे साधारणसभा तथा अधिवेशनके सुदूरपश्चिम प्रदेशके आन्तरिक मामिला तथा कानुन मन्त्री डा. रणबहादुर रावल एक कार्यक्रमके बीच उद्घाटन करले रहैं ।
नाट्टा सुदूरपश्चिमके अध्यक्ष मायाप्रकाश भट्टके अध्यक्षतामे हुइल कार्यक्रममे प्रदेश नीति तथा योजना आयोगके सदस्य मोहनदेव बिष्ट, भिमदत्त नगरपालिकाका नगरप्रमुख पदम बोगटी, नाट्टाके केन्द्रीय अध्यक्ष रमेश थापा, कैलालीके प्रमुख जिल्ला अधिकारी किरण थापा, होटेल व्यवसायी संघ कैलालीके अध्यक्ष कलम बम, सुदूरपश्चिम प्रदेश उद्योग वाणिज्य महासंघके कार्यकारी निर्देशक ज्योति भट्टलगायत मन्तव्य व्यक्त करले रहैं ।
उ अवसरमे धनगढीके दुई जानो पत्रकारहे सम्मानित करले रहे । नेपाल पर्यटन पत्रकार महासंघ कैलालीके अध्यक्ष भीम चौधरी ओ कान्तिपुर टेलिभिजनके उपसम्पादक टेकराज जोशीहे सम्मानित करल रहे । सुदूरपश्चिम प्रदेशके पर्यटनके विकासके लाग संचारमाध्यममे निरन्तर समाचार तथा सूचना सम्प्रेषण कैके पर्यटन प्रवद्र्धनमे उल्लेखनीय भूमिका निर्वाह करल कटि सम्मानित करल हो ।
नाट्टा सुदूरपश्चिमके सचिव शिवहरी पाण्डे स्वागत करल कार्यक्रमके सञ्चालन महासचिव पदमबिक्रम सिंह करले रहैं ।
