नेपाल–भारत मैत्री संघमे राजिव गुप्ता
पहुरा समाचारदाता
धनगढी, १४ सावन । नेपाल भारतमैत्री संघ कैलालीके अध्यक्षमे राजिव गुप्ता निर्विरोध चयन हुइल बटैं । शनिच्चरके रोज संघके चाथौं साधारण सभा गुप्ताके अध्यक्षतामे नयाँ कार्यसमिति चयन हुइल हो ।
संघके सदस्यमे सुभाष पडाल, रतन खाती, रमेश फुलारा, गीताकुमारी गौतम, जफर शिद्धिकी, शुभशंकर ठाकुर, उमेशकुमार श्रेष्ठ, राकेश गुप्ता, सुबोधकुमार ठाकुर, मनोज अग्रवाल ओ पिताम्बर ठाकुर चयन हुइल बटैं ।
संघ पहिल बैठकमे अन्य नौ जहनहे सदस्यमे मनोनित करना जनाइल बा । संघके सभाके केन्द्रीय उपाध्यक्ष हरिशंकर ठाकुर समुद्घाटन करले रहैं ।
कार्यवाहक सभापति गुप्ताके अध्यक्षतामे हुइल सभामे संघके केन्द्रीय सदस्य जागृती बोगटी, श्यामप्रसाद सापकोटा, अत्तरिया उपशाखा अध्यक्ष हरिप्रसाद ओझालगायत मन्तव्य व्यक्त करले रहैं ।
सचिव लल्लनप्रसाद चौधरी स्वागत करल कार्यक्रमके सञ्चालन कार्यालय सचिव रतन खाती करले रहैं ।
