जसपासे महिला ओ यूवा संगठन गठन
पहुरा समाचारदाता
धनगढी, १५ सावन । जनता समाजवादी पार्टीसे जोशीपुरमे गाउँपालिका स्तरीय महिला संगठन ओ यूवा संगठन कार्यससमिति गठन करले बा ।
जसपासे दाताप्रसाद चौधरीके अध्यक्षतामे गाउँपालिका स्तरीय यूवा संगठनके कार्यससमिति गठन करले बा । जेकर उपाध्यक्षमे जीवनकुमारी कुश्मी, सचिव बन्सीराम चौधरी, सहसचिवमे गणेश कुश्मी, कोषाध्यक्षमे सविता चौधरी रहल बटै । ओस्टेक मनिराम चौधरी, धनीराम चौधरी, सुनिल चौधरीलगायत २१ सदस्यीय कार्यसमिति गठन करल बा ।
ओस्टेक जसपासे मीना कुश्मीके अध्यक्षतामे गाउँपालिका स्तरीय महिला संगठनके कार्यससमिति गठन करले बा ।
जेकर उपाध्यक्षमे लौटी देवी थारु, सचिवमे जीवनकुमारी कुश्मी, सहसचिवमे दुर्गा डंगौरा, कोषाध्यक्षमे गीतादेवी डगौरा रहल बटै । ओस्टेक सदस्यमे जगतदेबी चौधरी, मानकुमारी चौधरी, कृष्णा चौधरीलगायत ३१ सदस्यीय कार्यससमिति गठन बा ।
जनता समाजवादी पार्टी जोशीपुर गाउँपालिका गाउँ कार्यसमितिके अध्यक्ष विरबहादुर चौधरीके अध्यक्षतामे हुइल कार्यक्रमके वडका पहुना थारु संघके केन्द्रीय उपाध्यक्ष घनश्याम कुश्मीके ओ विशिष्ट पहुना पार्टीके जिल्ला अध्यक्ष गया प्रसाद कुश्मी रहिट ।
ओस्टेक पार्टीके अभियान्ता भिगतराम चौधरी, प्रदेशसभा सदस्य मालामति रानाके स्वकीय सचिव गोविन्दराना, जोशीपुर गाउँपालिका वडा नम्बर २ के अध्यक्ष विष्णु डगौंरा विशिष्ट पहुना रहिट । ओस्टेक वडा सदस्य लक्ष्मीदेवी कुश्मी, रुक्मनी महतो विकलगायतके उपस्थिति रहे ।
